Sjósundfólk Íslands

Sjósundsfólk Íslands og Sjósund.is hafa sameinað krafta sína

2010-01-12T20:02:00.002Z

Ákveðið hefur verið að sameina krafta þeirra sem standa á bak þessa síðu, sjosund.blogspot.com og nýju heimasíðu Sjósundfélag Reykjavíkur, http://www.sjosund.is/. Þessi síða verður áfram til enda orðin vitnisburður nærri því 4 ára sögu sjósunds á Íslandi. Hinsvegar verða allar nýjar fréttir tengdar sjósund settar á sjosund.is

Sjósund og sjóbaðsfélag Reykjavíkur stofnað

2010-01-02T10:12:00.001Z

Eftir fjölmennt nýarssund í gær var stofnfundur Sjósund og sjóbaðsfélag Reykjavíkur. Tókst einstaklega vel Jákvæðni og almenn ánægja er með stofnun félagsins. Sjá meira hér

Nautholsvik.is og allir að kaupa kaffikort !

2009-09-28T22:23:00.000Z

Starfsmenn Nauthólsvíkar halda úti flottri heimasíðu, nautholsvik.is. Þar eru helstu fréttir og fl.

Þar sem aukning í sjósundi hefur verið gríðarlega og margir fastagestir í Nauthólsvík í hverri opnun munum við bjóða uppá tvær nýjungar veturinn 2009 - 2010. Hægt er að kaupa kaffikort á 1000 kr. sem inniheldur 15 kaffibolla og fría áfyllingu. Jafnframt bjóðum við gestum uppá að kaupa kort á 2000 kr. sem veitir ótakmarkaðan aðgang að munageymslu í afgreiðslu Ylstrandar til loka árs 2009. Mælum eindregið með því að fólk kaup sér kort til að tryggja opnunartímann enn frekar í sessi.

Myndir úr Skarfakletts-Viðeyjarsund

2009-09-10T20:33:00.001Z

Myndir úr fjölmennasta hópsjósundi íslandsögunar þann 21. ágúst á vef Jóns Svavarssonar. http://motivmedia.123.is/album/Default.aspx?aid=158635

Viðeyjarsund lögreglumanna og fréttir af Emarsundinu á ermarsund.com

2009-09-10T19:59:00.000Z

Seinustu helgi syntu þrír lögreglumenn formlegt Viðeyjarsund þ.a.s. frá Viðeyjarbryggu og inn í RVK höfn. Þeir voru sirka 2 klst og 16 mín í köldum sjónum og voru því orðnir talsvert kaldir í lokinn en einn þurfti að fara með sjúkrabíl. Fjórir lögðu á stað en þrír kláruðu. Þeir þrí sem kláruðu heita Jón Kristinn Þórsson, Arnþór Davíðsson og Sigfús Benóný Harðarson.

Sjósundgarpar úr Sundfélag Hafnarfjarðar bíða nú eftir góðu veðri til að heyja baráttuna við Ermarsundið. Fréttir af því eru á http://www.ermarsund.com/

Vetraropnun Ylstrandarinnar

2009-09-02T21:52:00.000Z

Mánudaginn 31. ágúst var síðasti dagur sumaropnunar og hefst vetraropnun miðvikudaginn 2. september. Opið verður á mánudögum kl. 17 - 19, miðvikudögum kl. 11 - 13 og kl. 17 - 19 og á föstudögum kl. 11 - 13. Áfram er frítt í búningsaðstöðu, sturtur og heitan pott.

Sjáumst hress í vetur, starfsfólk Nauthólsvík

Ermarsundæfingar

2009-09-01T23:43:00.003Z

Sjá meira á http://www.ermarsund.com/

Ný síða hjá Ylströndinni

2009-08-24T14:13:00.002Z

Ylströndin og siglingaklúbburinn Siglunes hafa opnað heimasíðu og er vefslóðin http://www.nautholsvik.is/ þar eru ýmsar gagnlegar upplýsingar frá báðum starfsstöðum. Á heimasíðunni má finna myndir úr starfi okkar, helstu fréttir, upplýsingar um opnunartíma o.fl. Þar á meðal eru myndir frá Skarfakletts-Viðeyjarsundinu 21.ágúst. Stefnt er það því að koma upp veðurupplýsingum sem segja til um hitastig sjávar og lofthita í Nauthólsvík. Jafnframt munu flóðatölur verða birtar með þeim hætti að vikulega uppfærist skrá fyrir næst sjö daga.

Ermarsund.com !

2009-08-23T12:07:00.002Z

Sjá meira á http://www.ermarsund.com/

Fjölmennasta hópsjósund Íslandsögunar !

2009-08-21T23:00:00.004Z

Í dag 21.08.2009 kl 17:20 lögðu 164 sjósundgarpar (af 180 skráðum) á stað frá Skarfakletti og syntu 910m leið út í Viðey en 47 sneru við og syntu til baka í 11° heitum sjónum. Þetta var fjölmennasta hópsjósund Íslandsögunar !

Fyrra metið var sett í Lyfjuhópsundi þann 10.08.2009. Einnig var fjöldametið þrefaldað í Skarfakletts-Viðeyjarsundi en þann 28. ágúst 2007 syntu 55 manns þetta sama sund. Ermarsundgarpar í samvinnu við ÍTR , Sjósundnefnd SSI og aðrar velunnar héldu utan um hópsjósundi og tókst skipulagning mjög vel og er hópsjósund sem þessi kominn til að vera.

Um morguninn var stíf norðan átt,8-10 m/s og ekki leit vel út fyrir hópsjósund. Veðrið batnaði eftir því sem leið á daginn og þegar lagt var á stað var 2 -3 m/s, heiðskýrt og um 12° hiti. Það var stórstreymt og þegar hópurinn var kominn út fyrir varnargarð synti hann inn í aðfallstraum sem bar hópinn til austurs. Fylgdarbátar brugðist við því og fylgdu fólkinu örugglega að Viðeyjarbryggju.

Heimir Örn, aðalskipuleggjari sundsins, fór yfir öryggismálin og fleira í byrjun sundsins og stjórnaði því síðan með dyggri aðstoð frá ITR og öðrum Ermarsundgörpum. ITR Siglingaklúbburinn Siglunes var með fjóra fylgdarbáta til að tryggja öryggi sundsins en 5 manns þáðu aðstoð þeirra og á leiðinni og létu draga sig upp úr. Einnig komu 5 tindar menn með einn auka bát og hjálpuðu til. Bæði óvanir og vanir sjósundgarpar syntu en Ermarsundgarpar ásamt öðrum vonum görpum syntu með og höfðu auga með hópnum.

Yngstu sjósundgarparnir voru 15 ára en sá elsti var 73 ára, Haukur Bergsteinsson. Þrátt fyrir aðfallsstraum kláraði hann sundið með miklum sóma og stóð sigurreifur á viðeyjarbryggjunni. Líklega er hann lang elsti sjósundmaðurinn til að synda út í Viðey.

Tilefnið sundsins var að fagna gríðarlegri aukningu ástundun sjósunds, sjósundafrekum sumarsins, 5 Eyjasund, Hríseyjar,Viðeyjar og Drangeyjarsundum og síðan ekki síst að kveðja Ermarsundgarpana sem senn leggja á stað í Ermarsundið.

Ermarsundgarparnir eru hópur reyndra sjósundmanna og kvenna, 6 manna boðsundsveit sem ætlar sér að synda Ermarsund, báðar leiðir eða um 90 km sund. Sjá meira á Ermarsund.com

Eftir sundið þáðu garparnir Kakó og með því. Því næst var farið í heitu pottana í Nauthólsvíkinni. Þar var hópsjósundi gert upp á meðan garparnir fengu sér grillaðar pulsur og þáðu viðurkenningarskjöl. Þeir sem komust ekki niðri Nauthólsvík geta nálgast viðurkenningarskjölin í afgreiðslu Ylstrandarinnar.

Hópsjósundið gekk áfallalaust fyrir sig og því má þakka góðri samvinnu við þá Árna,Óttar og Ísleif hjá ITR Siglunesi. Skipuleggendur vilja þakka sjósundgörpunum fyrir framúrskarandi þáttökuna,starfsmönnum Heklu fyrir aðstoðu í sendbílnum,Securitas,Lyfju og síðast ekki síst ÍTR Siglunesi og 5 tinda mönnum fyrir frábæra bátafylgd.

Von er á myndum og takið vel eftir mogganum á morgum (Laugardagur 22.08.2009).

Nýjustu fréttir af Skarfakletts-Viðeyjarsundi

2009-08-21T13:26:00.000Z

Góð grein á mbl.is

Skarfaklettsviðeyjarsund í dag kl 17:00 !

2009-08-21T09:12:00.004Z

Þrátt fyrir stífa og kalda norðanátt í morgun eru góðar líkur á vel heppnuðu hópsjósundi í dag. Samkvæmt veðurspá á að lægja í dag og það verður komið skaplegasta veður kl 17:00.

Vegna strauma og þeirri staðreynd að hitastig sjávar hefur lækkað talsvert seinustu daga þá er líklegt að við förum bara aðra leiðina í dag.

Mikilvægt að hafa eftirfarandi upplýsingar í huga:

Skráningargjald er 500 kr og borgast á staðnum með reiðufé. Vinsamlegast mætið snemma svo skráning gangi vel.
Þar sem enginn heitur pottur er við Skarfaklett þá mælumst við með því að fólk þurki sér og fari sem fyrst í hlý og þurr föt og þiggji síðan heitt kakó og með því á eftir. Einnig er mjög gott hafa inniskó. Þáttakendur bera ábyrgð á sínu sundi og útbúnaði.
Gott er að borða og drekka vel (t.d. kolvetnisorkudrykki) 2 til 3 tímum fyrir sund. Kemur í veg fyrir kólnun.
Þátttakendur eru hvattir til að synda alltaf minnst tveir saman (það verða nógu margir þátttakendur til að synda með). Ennfremur ættu sundmenn að tala reglulega saman á leiðinni.
Sjórinn verður um 11°. Í Nauthólsvíkinni hefur hann verið um 13°-15° Báðar leiðir í Viðeyjarsundi er 1820m. Miðað við margföldunaráhrif hitastigs þá jafnast það á við 5 ferðir frá Nauthólsvík og yfir Í Kópavog sem er sirka 2500m.
Það verða 6 bátar sem fylgja sundmönnunum.
Líklegt er að það verði farinn bara önnur leiðinn, þ.a.s út í Viðey. Bátar munu síðan ferja fólk til baka eins fljótt og hægt er.

Sjáumst og höfum gaman saman

Umræða um reglur og myndir

2009-08-18T10:41:00.006Z

Með aukinni iðkun sjósund hefur skapast talsverð umræða um almennar og sérhæfar sjósundreglur og fyrirkomulag langsunda á Íslandi samanber Drangeyjarsund.

Fyrir nokkrum árum voru búnar til leiðbeiningar um sjósundiðkun og þær má nálgast inn á vef Sundsambandsins -> Öryggi í sjósundiðkun. Þessar sömu reglur eru upp á vegg í þjónustuhúsi Nauthólsvíkinnar. Við mælum eindregið með því að fólk kynni sér þær og reyni eftir fremsta megni að fara eftir þeim.

Sjósundnefnd Sundsamband Íslands er nú að skoða hvernig hægt verði að setja reglur í helstu og frægustu sundum á Íslandi.

Alþingiskonan Sif Friðleifsdóttir er virk sjósundkona og er dugleg að taka myndir. Á heimasíðu hennar, http://www.siv.is/ eru oft myndir og meðal annars frá Hópsundi Lyfju þann 10. ágúst

Einnig eru myndir frá Jóni Svavars á motivmedia.123.is

Að lokum viljum við minna fólk á Skarfaklettsviðeyjarsundið á föstudaginn 21. ágúst kl 17:00 .

Meira af 5 Eyja sundinu

2009-08-16T15:16:00.007Z

Birna Ólafsdóttir, Benedikt Hjartarson, Árni Þór Árnason, Helena Bæringsdóttir og Birgir Skúlason kláruðu sundið

Tólf manns hófu svokallað fimm-eyja-sund á Kollafirði í dag (laugardaginn 15.8.2009) og fimm luku sundinu um tíuleitið sama kvöld. Syntir voru sirka 11 km. Að sögn Benedikt Hjartarsonar Ermarsundskappa var sundið sjálft létt og þægilegt en það var erfitt að þurfa að fara í land í öllum eyjunum. Þar kólnaði fólkið niður. Dálítil afföll urðu á mannskapnum á leiðinni og vorum við fimm sem kláruðum,Birna Ólafsdóttir, Benedikt Hjartarson, Árni Þór Árnason, Helena Bæringsdóttir og Birgir Skúlason. Þetta var skemmtisund og hjálpartæki leifð. Birna og Benedikt kusu að synda þetta á sundfötunum einum með litla feiti á slitfjötum.

Synt var frá Gunnunesi yfir í Þerney og þaðan áfram í Lundey þar sem stoppað var smá stund. Því næst var synt í Viðey og þar snædd súpa og brauð og sundmennirnir hitaðir upp, að því búnu var synt tfir í Engey næst og var þar kappsund við að ljúka þeim legg áður en Saga Rose skemmtiferðaskip sem legið hafði í Sundahöfn færi þar um og að því búnu var synt yfir í fimmtu eyjuna, Akurey, en þá var aðeins farið að bregða birtu og er sundinu lauk í Örfyrisey þá var sólin að setjast.

Auk kólnun við landtöku er mishiti sjávar eitt af vandamálum við þetta sund en hann getur verið ansi kaldur þar sem strauma frá Faxaflóanum gætir en hitastig hefur sennilega getað farið niður í 6 til 8 gráður á celcius en mesti hiti sem mældist var klappir þar sem sólin naut sín til að hita upp eins og til dæmis við Akurey þar sem hitin fór í 16 gráður.

Hópsund þetta var í tengslum við hóp sem kennir sig við fimm tinda, en en þeir hafa klifið hæsta fjall í hverjum landshluta á einni og sömu helginni og nú skildi það vera fimm eyjar. Einnig voru reyndir sjósungarpar með þeim sem kláruðu flestir. Takmarkinu var náð og sundmennirnir ánægðir með árangurinn.

Skarfakletts-Viðeyjarhópsund

2009-08-16T12:12:00.000Z

Þann 28. ágúst 2007 var slegið met í Skarfakletts-Viðeyjarsundi þegar 55 manns syntu sjóhópsund frá Skarfakletti og út í Viðey.

Nú er kominn tími á að bæta það met og Föstudaginn 21. ágúst kl. 17:00 (degi fyrir menningarnótt) munu Ermarsundgarpar í samvinnu við ÍTR, Sjósundnefnd Sundsamband Íslands og aðra velunnara standa fyrir ef veður leyfir hópsjósundi þessa sömu leið. Skarfakletts-Viðeyjarsund er um 910m og 1820m báðar leiðir.

Sundfólk er á eigin ábyrgð en 4-5 björgunarbátar vera á staðnum og gæta fyllsta öryggis sundmanna. Einnig munu reyndir sjósundgarpar synda með hópnum og sjá til þess að allt gangi vel fyrir sig.

Hægt verður að skrá sig með því að senda tölvupóst á hopsjosund@gmail.com eða skrá sig á skráningarblað í afgreiðslu Ylstrandarinnar í Nauthólsvík. Það sem þarf að tilgreina í tölvupóstinum er Nafn, kennitala, netfang, aldur og hvort farið verður báðar leiðir.

Skráningjald er 500 kr og þarf að greiða það á staðnum fyrir sund (reiðufé). Innifalið í skráningargjöldum eru starfsmenn ÍTR og bátafylgd, heitir drykkir og pulsur eftir sund. Vinsamlega mætið tímalega svo skráning gangi hratt og vel fyrir sig en lokað verður fyrir skráningu 15 mín fyrir sund. Þátttakendur eru hins vegar hvattir til að skrá sig fyrirfram.

Farið verður af stað frá Skarfakletti sem er staðsettur við Skarfagarða, við bílastæði þar sem Viðeyjarferjan fer til Viðeyjar.

Eftir sundið færum við okkur niður í Nauthólsvík og hitum okkur upp í heita pottinum. Kl 19:00 hefst síðan grill þar sem fólk getur pulsað sig niður og á meðan verður sjósundsumarið gert upp á viðeigandi hátt. Að lokum fá allir þátttakendur viðurkenningarskjal, sundinu til staðfestingar.

Nokkur góð ráð fyrir sundið:
• Þar sem enginn heitur pottur er við Skarfaklett þá mælumst við með því að fólk þurki sér og fari sem fyrst í hlý og þurr föt og þiggji síðan heitt kakó og með því á eftir
• Gott er að borða og drekka vel (t.d. kolvetnisorkudrykki) 2 til 3 tímum fyrir sund. Kemur í veg fyrir kólnun.
• Þátttakendur eru hvattir til að synda alltaf minnst tveir saman (það verða nógu margir þátttakendur til að synda með). Ennfremur ættu sundmenn að tala reglulega saman á leiðinni.

Mælum eindregið með því að fólk kynnir sér ráðleggingar um sjósund og einkenni ofkólnunar á www.landlæknir.is

Höfum gaman saman og mætum í Skarfakletts-Viðeyjarsund.

5 tindar menn syntu 5 eyjar og Lafleur Drangey

2009-08-15T23:12:00.001Z

Það var stór sjósunddagur í dag. 5 tinda menn syntu 5 eyjasundið og Benedikt S. Laflaur gerði sér lítið fyrir og kláraði Grettissund (Drangeyjarsund) en fyrir ári síðan hafði hann reynt nokkrum sinnum án árangurs. Með Laflaur var konan Sarah-Jane Emily Card og var hún þá fyrsta konan til að synda Grettissund. Ekki eru komnar fram upplýsingar um útbúnað,hitastig sjávar eða veðurfar á meðan sundinu stóð. Sjá meira á MBL.is

5 eyja sundið gekk vel í góðu aðstæðum. Synti voru alls 11 km (óstaðfest). Það kláruðu ekki allir en 5 manns lukum við sundið. Stoppað var í eyjunum á milli sunda og veitingar þáðar. Kemur væntanlega meira um þetta á 5tindar

5 eyjasund hjá 5 tindar mönnum ásamt nokkrum reyndum sjósundgörpum

2009-08-14T00:28:00.006Z

Næstkomandi laugardag 15 ágúst, verður sett af stað verkefni sem kallast “5eyjar”. Þeir sem standar fyrir verkefninu eru 5 tinda menn en þeir gerðu sér lítið fyrir og fóru 5 fimm tinda í fimm landshlutum á einni helgi árið 2006. Ásamt þeim munum reyndir og óreyndir sundmenn gera tilraun til að synda úr í allar fimm eyjarnar í Kollafirði. Engar reglur erum um útbúnað og má notast við froskalappir,neon-frean sokka,vettlingar og fl. Allir verða þó á venjulegum sundskýlum. Á leiðinni munu þáttakandur glíma við ýmis vandamál svo sem strauma, ölduhæð, hættu á örmögnun og ofkælingu.

Eins og sést á korti verður sundleiðin eftirfarandi:

Land – Þerney – Lundey – Viðey – Engey – Akurey – Land

5 tinda menn munu vekja athygli og óska eftir styrkjum til Sjónarhóls, samtökum barna með sérþarfir.

Sjá meira á http://5tindar.is/

Skarfakletts-viðeyjarsund

2009-08-12T13:11:00.002Z

Vegna skipaumferðar í Sundahöfn er ekki hægt hafa að hópsjósundið 19. ágúst kl 17:00 eins áður var búið að auglýsinga. Unnið er af því fá nýjan tíma sem hentar hafnaryfirvöldum.

Íslandsmet í Lyfju hópsjósundi

2009-08-11T09:48:00.005Z

Í gærkvöldi var sett Íslandsmet í hópsjósundi þegar 146 manns syntu frá Nauthólsvíkinni og yfir Kópavogs og flestir fóru til baka aftur en sundleiðin yfir er um 500 metra (eftir að uppfylling kom Kópavogsmegin þá styttist leiðin um 170m, sjá Google Earth). Lyfja í samstarfi við sjósundnefnd SSÍ og ÍTR héldu utan um sundið. Sundið hófst rétt eftir kl 18:00 eftir að Heimir Örn, aðalskipuleggjari sundsins, fór yfir öryggismálin og fleira. Siglingaklúbburinn Siglunes var með fjóra fylgdarbáta til að tryggja öryggi sundsins en 6 manns þáðu aðstoð þeirra og á leiðinni og létu draga sig upp úr. Einnig voru starfsmenn ÍTR búnir að koma fyrir prömmum á leiðinni svo fólk gæti farið upp á þá ef menn lentu í vandræðum. Elsti sundmaður til að synda sundið var Haukur Bersteinsson, 73 ára. Hann synti báðar leiðir í 14,3° heitum sjónum. Eftir sundið hituðu menn sér í pottinum og það er nokkuð víst að metið í heita pottinu var líka slegið.

Bæði óvanir og vanir sjósundgarpar syntu og þeir vönu hjálpuðu þeim sem voru að stíga sín fyrstu skref. Þar á meðal var hópur úr boðsundsliði sem ætlar að synda yfir Ermarsundið og til baka aftur. Ermarsundgarpinn Benedikt Hjartarson mætti ásamt góðum kjarna en þau hafa verið dugleg að fá fólk til að prófa sjósund. Síðast ekki síst syntu afreksjósungarparnir Þorgeir Sigurðsson og Þórdís Hrönn Pálsdóttir en þau unnu það frækilega afrek að synda Drangeyjarsund seinasta laugardag. Sýnt var frá sundinu í 10 fréttum RUV en þar lýsir Þórdís þrekraunum sínum í Drangeyjarsundinu á skemmtilegan hátt.

Hópsjósundið sprengdi af sér alla strengi og því miður kláruðust sundhetturnar og ekki fengu allir viðurkenningarskjöl. Von er á fleiri sundhettum sem verða staðsettar niðri Nauthólsvík og hægt verður að nálgast viðurkenningarskjölin í Lyfju Lágmúla eftir miðvikudaginn. Allar ábendingar um það sem mátti betur fara eru vel þegnar með því commenta á fréttina hér fyrir neðan.

Stefnt er af því að halda annað sjóhópsund frá Skarfakletti og til Viðeyjar þann 19. ágúst kl 17:15 ef veður leyfir. Hægt verður að skrá sig með því að senda tölvupóst á hopsjosund@gmail.com eða skrá sig á skráningarblað í afgreiðslu Ylstrandarinnar í Nauthólsvík. Það sem þarf að tilgreina tölvupóstinum er nafn, kennitala, netfang, aldur og hvort farið verður báðar leiðir eða ekki. Opnað verður fyrir skráningu miðvikudaginn 12. ágúst. Tilkynning og nánari upplýsingar um sundið verður birt seinna í dag eða morgun.

Skipuleggendur vilja þakka sjósundgörpunum fyrir framúrskarandi þáttökuna, Lyfju og síðast ekki síst ÍTR Siglunesi fyrir frábæran undirbúning á braut og bátafylgd.

Íslandsmet í Lyfju-sjóhópsundi !

2009-08-10T23:20:00.003Z

146 manns synntu yfir til Kópavogs og flestir til baka. Meira um þetta á morgun.

Syndum saman í dag til kópavogs

2009-08-10T08:03:00.003Z

Minnum á að Lyfju hópsund til Kópavogs kl 18:00 í dag. Skráning niðri í Nauthólsvík.

Brotið blað í Íslandsögunni !

2009-08-09T12:32:00.012Z

Í gær var brotið blað í íslandsögunni þegar þrír þreyttu Drangeyjarsund og einn Grettissund samtímis. Sjósundkapparnir Heimir Örn Sveinsson, Þórdís Hrönn Pálsdóttir, Þorgeir Sigurðsson og Skagfirðingurinn Heiða Björk Jóhannsdóttir.

Ljóst er að þetta var mikið afrek hjá þeim öllum og mörg Íslandsmet slegin þetta kvöld. Í fyrsta lagi voru þetta fyrstu konurnar til að klára Drangeyjarsund, í öðru lagi er Heiða yngsta konan(Axel Kvaran var 18 ára þegar hann synti Drangeyjarsund) og sú eina til að synda baksund alla leið, í þriðja lagi er Þorgeir sá elsti og einn af fáum án þess að fá nokkra næringu á leiðinni og að lokum var Heimir sá fljótasti til að synda Grettisundið til þessa en hann synti á tímanum 1 klukkustund og 36 mínútum og bætti metið um rúmar 30 mín. Heimir á einnig metið í Viðeyjarsundi 4,6 km sem hann sló nýlega (1:01,57).

Þorgeir synti á tímanum 2,26 klst en það er besti tíminn þeirra sem hafa synt milli eyju og lands og ekki verið í neon-freon galla. Heiða Björk synti á tímanum 2,30 klst. Síðust í land var Þórdís Hrönn sem er núverandi Íslandsmeistari í 4km sjósundi var önnur konan til þess að synda þessa vegalengd og var 4 mínútum á eftir Heiðu.

Heimir hóf sundið frá uppgönguvíkinni í Drangey en hin þrjú byrjuðu frá sandfjörunni sunnan megin í eyjunni. Heimir synti því um 800 metrum lengra en lengd sundsins var 7,2 km (GPS mæling). Meðalhraði Heimis var 4,5 km/klst, en tölur um vegalengd vantar fyrir hina aðilana.

Heimir Örn var ósmurður í neon frean þríþrautargalla, en Þórdís Hrönn, Þorgeir og Heiða Björk voru í sundkeppnisgöllum (no neon frean) ásamt því að vera smurð með hitaeinangrandi smyrsli (Lanólin blanda). Þau voru með teipaða saman fingur til að koma í veg fyrir að missa gripið þegar kólnun byrjar að gera vart við sig.

Aðstæður voru eins og best verður á kosið, spegilsléttur sjór og 14 stiga hiti. Sjávarhiti var um 10-11° (óstaðfest).

Von er á myndum og fleiri upplýsingum um þessi stórmerkilegu sund.

Einnig hægt að sjá á http://www.feykir.is/

Syndum saman til Kópavogs

2009-08-04T21:05:00.006Z

Hefur ykkur dreymt um að synda til Kópavogs og kannski til baka aftur ?

Sá draumur getur orðið að veruleika mánudaginn 10. ágúst kl. 18:00 en þá ætlar ÍTR Siglunes í samvinnu við Lyfju að halda hópskemmtisund yfir til Kópavogs og fyrir þá allra hörðustu, til baka aftur. Sundleiðin er um 500m, 1000m báðar leiðir.

Fyllsta öryggis verður gætt þar sem 3 bátar frá Siglunesi munu fylgja sundmönnum eftir. Það skal ítrekað að keppendur bera ábyrgð á eigin þátttöku.

Fyrir sundið verða afhendar glænýjar sundhettur frá Lyfju og allir fá viðurkenningarskjal sundinu til staðfestingar.

Ef þátttaka verður góð þá er möguleiki á að slá Íslandsmet í hópsundi í sjó.

Hægt er að skrá sig í niðri í móttöku Ylstrandarinnar í Nauthólsvík.

Nokkur góð ráð fyrir sundið:
· Gott er að borða vel og drekka sterkan íþróttadrykk (sérblandaður) 2 til 3 tímum fyrir sund. Kemur í veg fyrir kólnun.
· Þátttakendur eru hvattir til að synda alltaf minnst tveir saman (það verða nógu margir þátttakendur til að synda með). Ennfremur ættu sundmenn að tala reglulega saman á leiðinni

Að gefnu tilefni þá er verið skipuleggja hópsund frá Skarfakletti til Viðeyjar og grill á eftir þann 19. ágúst. Það verður auglýst síðar.

Íslandsmótið í Helgarsportinu

2009-07-24T23:27:00.005Z

Í dag var Íslandsmótinu okkar, þann 15. júlí, gerð góð skil á RUV í helgarsportinu . Þátturinn verður endurtekinn á morgun kl 12:00. Hægt að skoða upptöku hér

Dáni synti úr Bjarnaey og til Vestmannaeyja

2009-07-24T16:03:00.005Z

Fréttir voru að berast af selinum Hálfdáni Örnólfssyni betur þekktur sem Dáni hafi synt úr Bjarnarey og inn að skansa, þar sem nýja hraunið endar í innsiglingunni í Vestmannaeyjum. Leiðin er um 3 km og Hálfdán lennti í miklu straumum þegar hann nálgaðist innsiglinguna og óstaðfestar heimildir segja að hann hafi verið 90 mín í sjónum !

Unnið er í því að fá myndir og nánari upplýsingar.

Hraðamet í Viðeyjarsundi bætt um 6 mín !

2009-07-20T23:12:00.028Z

Sundleið Heimis. Ýtið á til að stækka

Í dag (20.7.2009) þreytti sjósundgarpurinn Heimir Örn Sveinsson Viðeyjarsund en sundleiðin er frá Viðeyjarbryggju inn í Reykjavíkurhöfn að flotbryggjunni við gamla slippinn. Þetta er leiðin sem Eyjólfur sundkappi og fleiri sundkappar syntu hér forðum og telst vera formlegt Viðeyjarsund. Í beinni línu er sjóleiðinni 4300m en Heimir synti 4610m

Heimir og Ísleifur spá í sjóinn

Þrátt fyrir talsverða norðan hliðaröldu meiri hluta leiðarinnar gerði hann sér lítið fyrir og synti leiðina á 1:01,57. Er þetta lang besti tíminn í sögu Viðeyjarsunds. Í fyrra synti Heimir Viðeyjarsund á 1:08,50 og var þá vafamál hvort það væri hraðamet. Heimir tók allan vafann af því og bætti fyrra met um 6 mín þrátt fyrir verri aðstæður en í fyrra.

sirka 200m frá Viðeyjarbryggju

Hlýtt var í veðri þegar Heimir lagði af stað kl 16:45. 18° og talsvert búið að lægja vind síðan fyrr um daginn, en vindur var 3-4 ms, NA. Heimir hafði vonast til að fá austan átt eins spáð var en það gekk ekki eftir.

Barist við hliðarölduna

Sjórinn var tilltölu lygn fram að Skarfaskeri. Þegar út að Laugarnesi var komið breyttist vindurinn meira í hreina norðan átt og jókst í 5-6 ms Hann fékk því talsverða hliðaröldu (sjá myndir) sem gerði það að verkum að hann rak í átt að landi og þurfti því að leiðrétta stefnum nokkrum sinnum. Heimir var reynslunni ríkari eftir fyrri sund og æfingar sumarsins og tókst á við hliðarölduna með því að fara fyrr með hendur undir vatnsyfirborðið í skriðsundinu og ná þannig að knýgja sig áfram með góðu undirtaki.

Rót við Hafnarminnið

Við tónlistarhúsið

Þegar nær dró höfninni varð sjórinn mjög órólegur vegna endurkast frá varnagarði. Sjórinn batnaði lítillega þegar inn í höfnina var komið og Heimir gat beitt sér betur og kláraði sundi með góðum endarspretti.

Seinustu tökin

Aðstoðarmenn Heimis í dag voru þau Birna Jóhanna Ólafsdóttir, Björn Ásgeir Guðmundsson og faðir Heimis, Sveinn Kjartan Baldursson. Skipstjórinn á bátnum, Ísleifur Friðriksson stjórnaði förinni eins og herforingi. Heimir vill þakka honum og aðstoðarmönnum fyrir frábæra fylgd.

Sveinn,Heimir,Ísleifur,Birna og Björn

Það er nokkuð ljóst að ef Heimir fær ákjósanlegar aðstæður þá á hann auðvelt með að verða fyrstur manna til að synda leiðina undir 1 klst.

Sjá fleiri myndir hér

Kona fyrst í Hríseyjarsundi

2009-07-20T19:00:00.003Z

Á laugardaginn (18.07),syntu sex sjósundgarpar 3,2 km leið frá Árskógsandi og til Hríseyjar. Tilefnið var hin árlega Hríseyarhátíð. Benedikt Hjartar Ermarsundkappi ásamt fimm öðrum kláruðu sundið í 11° heitum og lygnum Eyjarfirðinum. Sjósundkonan Þórdís Hrönn Pálsdóttir var fyrst á tímanum 1 klst og 10 mín en hún var um leið fyrst af öllum til að synda frá landi til eyjar, en Viktora Breiðfjarðardrottning fór hina leiðina fyrir nokkrum árum. Til gamans má geta þess að þegar sundmenn voru komnir mark þá þurftu þeir að hlaupa upp í sundlaug til að ljúka tímatöku.

Eftir sundið tóku heimamenn sérlega vel á móti mannskapnum og leystu þau út með verðlaunapeningum og dýrindis mat.

Meira á mbl.is

Vel heppnuðu Íslandsmót SSÍ og Securitas í sjósundi lokið

2009-07-16T13:34:00.011Z

Í gær lauk fyrsta Íslandmótinu í sjósundi. Mótið heppnaðist einstaklega vel. 65 keppendur stungu sér til sunds. Í karlaflokki var gríðalega hörð barátta um fyrstu sætin, bæði 1 km í 4 km sundinu. Konráð Hrafnkelsson var fyrstu í 1 km á tímanum 13:36 og kvenna var hún Hafdís Erla Hafsteinsdóttir fyrst á tímanum 14:43. Rússinn Vadim Forafonov vann 4 km eftir gríðalega baráttu við Heimi Örn Sveinsson. lengst af var Rússinn 50-70m á undan en Heimir náði að saxa á forskotið það voru ekki nema sirka 15 metrar á milli þeirra í lokinn. Sjósundgarpurinn Þórdís Hrönn Pálsdóttir var með afgerandi forystu kvenna flokki og endaði á tímanum 1:24,08.

Úrslitinn má sjá á síðu Sundsambandsins

Á síðu Jóns Svavarssonar ljósmyndara má sjá fullt af frábærum myndum.

Von er á ítarlegri umfjöllun í helgarsportinu kl 18:00 á föstudaginn.

Að lokum viljum við sem tóku þátt undirbúningi mótsins þakka Securitas og ITR fyrir frábært samstarf.

Undirbúningur gengur vel. Mynd af braut

2009-07-14T23:24:00.004Z

Undirbúningur fyrir fyrsta Íslandsmótið í Sjósundi hefur gengið vel. Það stefnir í 50 þáttakendur og veðurspáinn er hagstæð. Í gær var brautinn sett niður. Hér fyrir ofan eru fyrstu drög af brautinni (ýtið á til að stækka). Ákveðið var að flytja rásmark nær varnagarði vegna grjóta. Eins og sést á mynd þá myndar brautinn þríhyrning til að koma í veg fyrir árekstra.

Í dag hefur verið talsverð fjölmiðlaumfjöllun:

Morgunútvarp Rás 2. Viðtal við Benedikt Hjartarson Ermarsund kappa

Samfélagið í nærmynd. Viðtal við Steinn og Hrafnkell

Stöð 2 Fréttir. Steinn,Benedikt,Heimir og Birna taka æfingu

Sjáumst öll á morgun.

Íslandsmótið í Sjósundi. Tímasetning og skráningar

2009-07-13T22:30:00.003Z

Að gefnu tilefni þá skal ítrekað að mótið á miðvikudaginn er kl 17:00. Hægt verður að skrá sig á morgun og eitthvað fram eftir mótsdegi.

Í dag var brautinn sett niður. Mynd af braut kemur annaðkvöld á vefinn.

Skráning á Íslandsmótið í Nauthólsvíkinni

2009-07-11T12:42:00.001Z

Nú er hægt að skrá sig á þáttökublað niðri í Nauthólsvík.

Íslandsmóts Securitas í sjósundi

2009-07-08T23:14:00.003Z

Miðvikudaginn 15. júlí heldur Sundsamband Íslands Íslandsmót í sjósundi í samvinnu við Securitas.
Keppnin fer fram í Fossvoginum við Nauthólsvík og hefst stundvíslega kl. 17:00.

Í boði verða tvær keppnisvegalengdir: 1km og 4km.

Boðið verður upp á eftirfarandi flokka: karlar og konur, karlar og konur í Neoprene-sundfatnaði.
Veitt verða verðlaun fyrir þrjú fyrstu sætin í hvorum flokk og sá sem sigrar hlýtur nafnbótina Sjósundmeistari Íslands 2009.

Þátttökugjald er kr. 1000 fyrir 1km og kr. 1500 fyrir 4km. Þátttökugjald þarf að greiða á mótsstað a.m.k. einum klukkutíma fyrir keppni.

Hægt er að skrá sig með því að senda póst á sundsamband@sundsamband.is og verður opið fyrir skráningu frá 1.-13. júlí. Þeir sem taka þátt þurfa í skráningarpósti að tilgreina nafn, kennitölu og keppnisvegalengd sem er keppt í. Keppendur eru beðnir um að mæta tímanlega á mótsstað til að ganga frá keppnisgjaldi og fá skráningargögn.
Það skal ítrekað að keppendur bera ábyrgð á eigin þátttöku. Á staðnum verður öryggisbátur og brautargæsla.

Allir iðkendur sjósunds sem og aðrir sundmenn eru hvattir til að mæta og taka þátt.

Sjósundnefnd SSÍ

Varið ykkur á bátunum !

2009-06-10T22:16:00.000Z

Hitastig sjávar hækkar stöðugt og veðrið leikur við okkur þessa dagana. Mánudaginn 8. júní hófst heilmikil bátastarfsemi í siglingaklúbbnum Siglunesi í Nauthólsvík og að því tilefni er rétt að árétta opnunartíman þar. Mánudaga, þriðjudaga og föstudaga kl. 9 - 17, miðvikudaga og fimmtudaga kl. 9 - 19. Mjög varasamt er að vera í sjó þegar bátaumferð er á svæðinu og er mikilvægt að sjósundfólk gefi greinilega til kynna af veru sinni í sjó. Það er hægt með því að kalla, veifa og síðast en ekki síst að vera með áberandi rauða eða appelsínugula sundhettu.

Margt að gerast í sumar

2009-05-21T10:47:00.006Z

Seinustu daga hafa verið mjög góðir fyrir sjósund. Frábært veður og hitastig sjávar eykst stöðugt og gríðaleg ásókn í sjóinn.

Sjósundnefnd SSI er byrjað að skipuleggja fyrsta Íslandsmeistaramótið í sjósundi (Open Water). Líklegast verður keppt í byrjun júlí í Nauthólsvíkinni. Keppt verður í 1km og 5km. Fleiri upplýsingar eru að vænta á næstu vikum.

UMFI verður með sjósund á Landsmóti dagana 9-12. júlí. Sjá meira hér

Eins og fyrri ár þá er stefnt af því að vera með hópsund til Viðeyjar. Jónsmessan gæti komið til greina.

Í byrjun September mun 6 manna boðsundsveit freista þess að synda yfir og til baka aftur í Ermarsundinu. Hér er á ferðinni sama boðsundsveit og fylgdi Benedikti í fyrra en komst ekki á stað vegna veðurs og bilana í bát. Undirbúningur hefur gengið vel, boðsundsmeðlimi í fantaformi og búnir að bíða eftir bráðinni í heilt ár !

Sjáumst í sjónum í sumar :)

Sólin skín í Nauthólsvíkinni

2009-05-15T10:19:00.000Z

Föstudaginn 15. maí hefst sumaropnun Ylstrandar og verður opnunartími alla daga kl. 11 – 19. Í boði eru búningsklefar, sturtur, heitir pottar, sandleikföng og afnot af gasgrilli án endurgjalds. Einnig er til sölu kaffi, gos, sælgæti, ís, pylsur til að grilla og ýmislegt annað góðgæti. Allir dagar eru sólardagar á Ylströndinni og vonumst við til að sjá sem flesta.

Gríðaleg fjölgun í sjósundi

2009-04-30T14:41:00.002Z

Við 3 mánaða uppgjör kom í ljós gríðarleg fjölgun gesta á Ylströnd og er "sjósundsvísitölukúrvan" enn á uppleið. Á tímabilinu janúar - apríl 2008 voru gestir Ylstrandar 977 en er á sama tímabili 2009 komin í 5441. Við gleðjumst að sjálfsögðu mikið yfir þeim mikla fjölda sem heimsækir okkur reglulega og vonumst til að sjá fleiri nýja gesti á Ylströndinni í framtíðinni.

Fróðleg grein um sjósund á vísindavefnum

2009-04-19T21:38:00.003Z

Forsvarsmenn síðunar hafa fengið talsvert að fyrirspurnum um sjósund og jákvæð áhrif þess.

Á Vísindavefnum fann ég þessa fróðlegu grein um sjósund http://visindavefur.hi.is/svar.php?id=50871

Bauja með lúðri

2009-03-27T14:03:00.002Z

Miðvikudaginn 25. mars var nýrri bauju komið fyrir úti á sjó nokkuð nálægt landi fyrir áhugafólk um sjósund. Baujan er sérstök fyrir þær sakir að á henni er lúður og hvetjum við þá sem eiga leið um baujuna að flauta með lúðrinum. Starfsfólk Ylstrandar vill engu að síður taka það fram að það er ekki hættulaust að fara svo langt frá landi á flóði (á ekki við um fjöru) og mælumst við til þess að aðeins reyndari sundmenn fari út fyrir nýju baujuna.

Aukin vetraropnun á Ylströndinni

2009-02-26T17:10:00.001Z

Vegna aukinnar eftirspurnar og mikillar þátttöku í sjósundi hefur Íþrótta- og tómstundaráð Reykjavíkur ákveðið að auka vetraropnun á Ylströndinni. Föstudaginn 27. febrúar verður opið kl. 11.00-13.00 og verður sú opnun áfram á föstudögum fram á sumar.
Áfram verður opið á mánudögum kl. 17.00-19.00 og á miðvikudögum kl. 11.00-13.00 og kl. 17.00-19.00.

Sundföt og smá hugrekki er það sem þarf til að byrja í Sjósundi.

2009-02-18T15:37:00.009Z

Fyrir þá sem eru að stíga sín fyrstu skref í sjósundinu þá mælum við með því að þeir mæti niðri í Nauthólsvík, þjónustuhús Ylstrandar. Þar taka starfsmenn vel á móti fólki og leiðbeinir því. Á veturnar er opið á mánudögum kl 17:00 - 20:00 og miðvikudögum kl 12:00 - 13:00 og 17:00 - 20:00 en sumri alla daga frá kl 11:00 - 19:00.

Mikilvægt er að fara varlega fyrstu ferðirnar. Um vetrartímann er sjórinn frá -1,5° - 4°. Þeir allra hörðustu eru um 4-6 mín út en byrjendur um 30 sek - 1 mín. Á sumrin er hann 8° - 15° og þá er hægt að njóta hans mun lengur.

Mesta hindrunin er að komast yfir áfallið (sjokkið) vegna kuldans þegar farið er fyrst út í. Til að minnka sjokkið er gott að bíða á ströndinni til að kæla sig aðeins niður áður en farið er úti. Sjokkið tekur um 30 sek og eftir það dofnar líkaminn og vellíðunar tilfinningin fer um allan skrokkinn. Síðan er farið upp úr og í heita pottinn. Gott er að bíða 2-3 mín áður en farið er í pottinn. Sumir telja að best sé að sleppa pottinum og láta líkamann hita sig upp.

Um vetrartímann er gott að hafa neonfrean hanska og sokka til að verjast kulda bit í útlimum. Útbúnaður fæst í Sportbúðin (Títan)

Öryggi í sjósundi Ráðleggingar til sjósundfólks

Er sjósund holt ?

Allt að gerast í vetrarsjósundinu.

2009-02-12T20:38:00.003Z

Talsverð umfjöllun hefur verið um sjósund þessa dagana.

Á morgun, 13. feb, mun morgunútvarp rásar 2 kl. 7:15 fjalla um sjósund. Einnig var skemmtileg mynd og umfjöllun á forsíðu Fréttablaðsins í morgun (fimmtudaginn 12. febrúar), DV fjallaði um sjósund í gær (miðvikudaginn 11. febrúar). Það er sem sagt allt að gerast :)

Við viljum minna "Sjóljósahátíð" (Sjósund og ljósagleði) í Nauthólsvík föstudaginn 13. febrúar sem Íþrótta- og tómstundaráð Reykjavíkur og Höfuðborgarstofa ætlar standa fyrir í tilefni Vetrarhátíðar . Opið verður í þjónustuhús Ylstrandar kl. 17 – 20 þar sem gestum gefst tækifæri á að nýta sér búningsaðstöðu, heitan pott og svo mun Höfuðborgarstofa bjóða gestum uppá heitt kaffi.

Benedikt Hjartarson sjósundkappi sem gerði sér lítið fyrir og synti yfir Ermarsund síðastliðið sumar ætlar að leiða hópsund kl. 18:30. Við viljum sérstaklega taka það að fram að sundið er ranglega auglýst í dagskrá Vetrarhátíðar þ.e. auglýst er að sundið fari fram laugardaginn 14. febrúar en rétt er að sundið fari fram föstudaginn 13. febrúar.

Starfsfólk Ylstrandar á von á miklum fjölda gesta og svið byggjum meðal annars á því að gestir í sjósundi miðvikudaginn 11. febrúar voru 153 samkvæmt gestabók Ylstrandar og sjórinn var mældur -1°c á 60 cm dýpi út á voginum og -1,8°c við sjávarmál.

Sjósund á Vetrarhátíð Reykjavíkurborgar

2009-02-03T14:33:00.001Z

Framundan er sjósund á vetrarhátíð Reykjavíkur en það mun fara fram föstudaginn 13. febrúar kl. 18:00. Þema vetrarhátíðar er vatn og ljós sem starfsfólk Ylstrandar ætla að undirbúa. Stefnt er að hafa "glit í myrkri" sem fest verða við sundhettur eða húfur og ætla starfsmenn að vera með bál á tveimur til þremur stöðum þar sem sundið fer fram. Benni Hjartar mun leiða hópin í sjóinn. Aðstaða Ylstrandar verður opin kl. 17 - 19 og verður boðið uppá kaffi í tilefni vetrarhátíðar.

Birna kosin íþróttarmaður ársins 2008 á Álftanesi

2009-01-26T09:41:00.005Z

Birna Jóhanna Ólafsdóttir sjósunddrottning Íslands, var kjörin íþróttamaður ársins 2008 á Álftanesi.

Birna varð fjórfaldur Norðurlandameistari í sundi í sínum aldursflokki, 45 -49 ára. Hún setti Íslandsmet í 200 m. bringusundi á Norðurlandamótinu.

Birna er ein allra fremsta sjósundkona Íslands. Hún hefur stundað sjósundið að miklum móð seinustu 4 árin og hefur ávalt verið í framarbroddi þeirra kvenna sem stunda sjósund hér á kalda klakanum. Hún var eina konan í boðsundsveit Íslands sem ætlaði að synda yfir Ermasund, liðið þurfti þó frá að hverfa vegna óveðurs.

Við óskum Birnu hjartanlega til hamingju með kjörið.

Sjósund á Vetrarhátíð Reykjavíkurborgar

2009-01-19T15:17:00.000Z

Fyrirhugað er sjósund á Vetrarhátíð Reykjavíkurborgar föstudaginn 13. febrúar kl. 18:00. Þema hátíðarinnar er ljós og vatn og því sjálfsagt að vera með sjósund á dagskránni. Starfsfólk Ylstrandar munu dreifa ljósum sem hver og einn getur borið á höfði þegar sundið fer fram. Opið verður í búningsaðstöðu og í heitum pott Ylstrandar á meðan sundinu stendur.

Opnunartími á nýja árinu

2009-01-05T13:38:00.000Z

Opið verður í dag mánudag kl. 17 - 19 og á miðvikudag kl. 11 - 13 og 17 - 19. Vetraropnun Ylstrandar mun því haldast óbreytt fram að hefðbundnum sumaropnunartíma sem verður um miðjan maí.

Breyttur tími á Nýársundi

2008-12-18T18:58:00.002Z

Vegna flóðs og fjöru 1. janúar 2009 hefur verið ákveðið að breyta tíma vegna Nýárssunds. Við munum því vera með opið kl. 11 - 13. Mælum eindregið með því að allir mæta á sama tíma og fari saman út í. Þannig hefur sundið alltaf verið og er miklu skemmtilegra bæði fyrir fjölmarga áhorfendur og stemmingssundmennina. Mætum því öll kl 11 og förum út í kl. 11.20. Við bætum örugglega metið sem var 63 ef ég man rétt.

Opið verður mánudaginn 22. desember kl. 17 - 19 og mun það vera síðasta opnun á góðu sjósundsári 2008.

Fjölbreytt dagskrá í desember

2008-12-10T21:58:00.001Z

Ylstrandargestir komu með þá góðu hugmynd að vera með bókaupplestur í desember og hafa þeir Stefán Máni, Þráinn Bertelsson og Hörður Torfa.

Nú er aftur á móti komið að konunum og mun Margrét Pála vera með upplestur miðvikudaginn 10. desember, viku síðar eða þann 17. desember munu þær Yrsa Sigurðardóttir og Auður Jónsdóttir lesa upp úr bókum sínum. Þann dag mun Ylströndin bjóða uppá Kakó og eitthvað góðgæti. Síðasta opnun fyrir jól er 22. janúar og mun Ylströndin hafa lokað fram til 1. janúar en þá verður Nýárssund milli kl. 13 - 15.

10. desember - Margrét Pála les upp úr bók sinni "Ég skal vera Grýla".
17. desember - Auður Jónsdóttir les upp úr bók sinni "Vetrarsól" og Yrsa Guðmundsdóttir les úr bók sinni "Auðnin". Starfsfólk Ylstrandar bíður uppá kakó og góðgæti.
22. desember - opið kl. 17 - 19 síðasta opnun fyrir jól "Gleðileg jól".
1. janúar - Nýárssund kl. 13 - 15.

Sjósundfólk heiðrar í lokahófi Sundsambandsins

2008-11-25T21:27:00.005Z

Benedikt Hjartarson var veitt viðurkenning vegna sunds hans yfir Ermarsunds í sumar. Einnig fékk 10 manna fylgdarhópur og boðsundsveit sérstaka viðurkenningu frá SSÍ. Þá fékk Benedikt einnig silfurmerki SSÍ en um silfurmerki SSÍ segir í reglugerðum sambandsins: “Silfurmerki SSÍ skal veita þeim sem unnið hafa framúrskarandi gott starf að málefnum sundhreyfingar og hafa komið fram fyrir hönd Íslands á alþjóðlegum vettvangi sundhreyfingar. Einnig skulu sundmenn sem náð hafa viðurkenndum alþjóðlegum árangri hljóta silfurmerkið – og þar með allir þeir sem keppt hafa í sundi á Ólympíuleikum fyrir Íslands hönd.

Sjósundið í Nauthólsvíkinni fær athylgi hjá BBC

2008-11-20T15:48:00.002Z

Auknar vinsældir sjósunds í Nauthólsvíkinni hefur vakið athygli erlenda fjölmiðla. http://news.bbc.co.uk/2/hi/programmes/crossing_continents/7737229.stm

Í gær kom Stefán Máni rithöfundur og las úr nýjustu bókinni sinni Ódáðahraun. Stefán Máni er sjálfur mikill sjósund nagli en vegna kvefs gat hann ekki farið í sjóinn í þetta sinn.

Vetrartími í sjósundinu

2008-10-05T14:38:00.002Z

Þótt vetur sé kominn með tilheyrandi snjó og frosti þá verður Nauthólsvíkin opin í allan vetur á mánudögum og miðvikudögum kl 17:00 - 19:00

Skarfaklettsviðeyjarsund í dag kl 17.00

2008-09-12T09:18:00.002Z

Í dag (föstudagur) verður synt Skarfaklettsviðeyjarsund. Sundið hefst kl 17:00 við skarfaklett og eru allir iðkendur sjóbaða og sjósunds hvattir til að mæta. Sundið er um 1900m fram og til baka.

Nokkur Góð ráð:

Gott er að drekka sterkan íþróttadrykk (sérblandaður) 2 til 3 tímum fyrir sund. Kemur í veg fyrir kólnun.
Synda alltaf minnst tveir saman (það er nóg af fólki þarna til að synda með). Tala reglulega saman á leiðinni.
Ef eitthvað kemur fyrir þá er röddin það fyrsta sem klikkar og félagarnir geta bent hjálparbátnum á að þeir þurfi aðstoð.

Höfum gaman saman.

Skarfaklettsviðeyjarsund frestað um viku

2008-09-02T22:18:00.000Z

Þurftum að fresta sundinu. Verður líklega eftir viku.

Keppni í 10 km sundi á Ólympíuleikunum

2008-08-21T15:36:00.006Z

Á þriðjudaginn og miðvikudaginn var keppt í 10 km sundi kvenna og karla. Greinin er ný á Ólympíuleikunum og hefur vakið mikla athygli. keppt er í tilbúnu vatni og synda með fjóra 2,5 km hringi.

Hollendingurinn Maarten van der Weijden varð fyrstu í karla á tímanum 1:51:51.6 en hann er nýkominn úr krabbameinsmeðferð ! Larisa Ilchenko frá Rússlandi var fyst kvenna á tímanum 1:59:27.7

Á þessari síðu http://www.10kswimmer.com/ má finna allt um þetta.

Bakarinn syndir Drangeyjarsund ósmurður

2008-08-17T13:00:00.006Z

Á laugardaginn, skellti Benni sér norður og tók Drangeyjarsund eftir næturvakt í bakaríinu. Hann kom í land að Reykjum á Reykjarströnd rétt fyrir kl 20:00. Hann skellti sér í pottinn með fylgdarliði sínu en rauk síðan suður til að fara vinna kl 04:00 aðfaranót sunnudagsins. Eins og sést á myndum voru aðstæður fínar.

Benni var þar með 7. maðurinn til að klára Drangeyjarsundið en þriðji til að klára það ósmurður. Áður höfðu Kristinn Magnússon og Eyjólfur heitinn synt ósmurði. Benedikt fór leiðina á 2 klst 36 mín og 10 sek í 10° heitum sjónum. Það er næst besti tíminn frá upphafi en Kristinn sem synti þetta seinast 2002, fór þá á 2 klst og 10 mín.

Fylgdarmenn Benedikts voru Ísleifur Friðriksson frá ÍTR en hann stjórnaði fylgdarbátnum, Ásgeir Elíasson og Þorgeir Sigurðsson sem komu með Benedikt frá Reykjavík og Heiða Jóhannsdóttir frá Sauðárkróki. Ásgeir, Þorgeir og Heiða syntu öll með Benedikt einhvern hluta úr leiðinni en þeir hittu Heiðu í Grettislaug áður en þeir lögðu af stað í Drangey og buðu henni að koma með.

Benni synti Drangeyjarsund í dag !

2008-08-16T20:45:00.004Z

Í dag synti Benedikt Hjartarson Ermarsundskappi Drangeyjarsund. Hann fór leiðina á 2 klst og 36 mín. Nánar um þetta á morgun

Sjá myndir á skagafjordur.com

1 km braut í Nauthólsvík

2008-08-11T21:27:00.005Z

Klikkið á mynd til að stækka

Um daginn lagði Ísleifur og fleiri starfsmenn Nauthólsvíkinar 1 km braut merkta með baujum sem fjárfest var í fyrir sjósundið. Í kjölfarið var brautin stillt til eftir GPS mælingum. Brautin liggur frá Brautarenda að miðbauju(veðurbauju) og inn að bauju í fossvoginum meðfram strönd nauthólsvíkinnar. Frá miðbaugju að flugbrautarenda (500m ) er brautinn vel merkt með baujum og eru sjósundmenn kvattir til að nota brautina þegar mikið er um bátaumferð í víkinni.

Hér fyrir ofan er sýnd mynd af braut og svokölluðum bauju hring. Hann er 2821 m langur:

Veðurbauju - brautarendi = 502 m

brautarendi - ITR bauja Kársnes = 223 m

ITR bauja Kársnes - ITR bauja miðlína = 695 m

ITR bauja miðlína - ITR bauja = 610 m

ITR bauja - bauja = 290 m

Bauja - veðurbauju = 501 m

Benni fer aftur í sjóinn :)

2008-08-02T11:31:00.008Z

Benni fer í sjóinn í blíðunni í gær

Í ljósi fyrri yfirlýsinga eftir afrekið mikla þá er gaman að sjá þetta :)

Heimir syndir Viðeyjarsund á mettíma !

2008-08-01T12:24:00.017Z

Sundleið Heimis 4,8 km. Klikkið á til að stækka. Gula lína er leið bátsins en hvíta lína með rauðu punktunum leið Heimis

Sjá Viðeyjarsund Heimis 2009

Í gær (31.07.08) kláraði ég ( Heimir Örn) formlegt Viðeyjarsund þ.a.s frá Viðeyjarbryggju inn í Reykjavíkurhöfn að flotbryggju við hvalaskoðunarbásana. Þetta er leiðin sem Eyjólfur sundkappi og fleiri sundkappar syntu hér forðum og telst vera formlegt Viðeyjarsund.

Veðuraðstæður lofuðu góðu fyrir daginn eftir að met höfðu verið sleginn í hita á miðvikudaginn. Spáð var skýjuðu veðri og 16-18°, norðvesta 3-4 ms og hitastig sjávar um 13° í Reykjavík. Það stóðst að mestu leyti.

Heimir bíður eftir bátnum við Sundahöfn
Þegar ég stakk mér út í frá Viðeyjarbryggju kl 17:21 var talsverð hliðaralda v. norðvestan vindáttinar, (4 ms) sem gerði mér erfitt fyrir til að byrja með. Sundtök breingluðust og ég þurfti að beita mér öðruvísi í öndunni vegna hennar. Eins og sést á myndinni af sundleiðinni hér fyrir ofan þá var ég að reka dáldið til hliðar en leiðrétta stefnuna með því að synda upp í ölduna. Þetta leiðir til þess að ég er að sikk sakka. Hliðaraldan batnaði eftir sem ég kom nær Rvk höfn og ég gat haldið betur beinni línu. Ég synnti inn í nokkra kalda strauma og heilu torfunar af marglyttum og fékk eitt bit fyrir vikið.

Heimir að loknum sundi
Ég fékk einu sinni drykk á leiðinni en náði lítið að drekka vegna þess hversu bumbult mér var. Þar klikkaði ég aðeins því ég var að sotra kolvetnisdrykk fram á seinustu stundu sem leiddi til þess að ég var með ælinu í hálsinu fyrstu 30 mín.

Birna og Bjössi losa um sinadráttinn
Seinustu 500m synti ég á hámarkstempói og kláraði mig alveg. Fékk sinadrátt frá tá og upp í rass strax eftir sundið :)

Þrátt fyrir rek og hliðaröldu náði ég að halda góðu tempói og ég synnti leiðina, 4,8 km, á mettíma, 1:08,50. (Staðfest af GPS tæki báts og GPS í Nokia N95 símanum). Leið bátsins var 5,2 km. Bein lína er sirka 4,3 km þannig að mér skeikaði um 500 m vegna aðstæðna.

Ég synti í Point Zero swimskin (no neonfrean) sem er sérhannaður fyrir Open Water sund. Síðan var ég með venjulega sundhettu og Tyr sundgleraugu. Ekkert neonfrean eða hitaeinangri efni. Ég smurði hálsin og undir hendur með Channel Grease sem er blanda af Lanólíni og vanselíni.

Mér til aðstoðar var Björn Ásgeir Guðmundsson, Ermarsund kappinn Benedikt Hjartarson og Birna Björnsdóttir.

Fylgdarbáturinn kom frá Björgunarsveit Kópavogs og þeim fylgir Sverrir Örn Jónsson, Árna Björg Árnarsdóttir og Anna Guðný Einarsdóttir. Þakka þeim fyrir frábæra bátafylgd. Allir að kaupa flugelda næstu áramót hjá þeim.

Frétt á mbl.is

Heimir synti Viðeyjarsund á mettíma !

2008-08-01T00:58:00.002Z

Í dag kláraði Heimir Örn formlegt Viðeyjarsund þ.a.s frá viðeyjarbryggju inn í Reykjavíkurhöfn að flotbryggju við hvalaskoðunarbásana. Þetta er leiðinn sem Eyjólfur sundkappi synti hér forðum og telst vera formlegt Viðeyjarsund.

Meira um þetta á morgun.

Synt til Bessastaða

2008-07-26T16:50:00.002Z

Starfsmenn Ylstrandarinn í Nauthólsvíkinni stóðu fyrir Bessastaðasundi.

Sjá meira hér http://dagskra.ruv.is/streaming/sjonvarpid/?file=4398274/4

Nýtt lén -> ermarsund.com og lokaundirbúningur fyrir Ermarsundið

2008-07-08T13:35:00.002Z

Sjá meira á http://www.ermarsund.com/

Vel heppnuðu æfingasundi lokið

2008-06-29T18:45:00.000Z

Vel heppnuðu æfingasundi við erfiðar aðstæður frá Hafnarfjarðarhöfn að bauju, út fyrir Straumsvík og til baka aftur er nú lokið. Sjá meira hér

Æfingasund í stað Akranessund vegna veðurs og sjólags

2008-06-28T18:01:00.012Z

það er áskorun að stunda sjósund á Íslandi. Fyrir utan kaldan sjóinn er veðurfar risjótt og ekki hægt að treysta á veðurspár langt fram í tímann en hún hefur breyst til hins verra frá því á föstudaginn. Það er spáð NA 8-15 ms á Faxaflóanum sem þýðir mjög úfinn og slæman sjó á móti og því glórulaust að reyna við Akranessund. Tekin verður stöðufundur kl 09:30. Þá verður tekin ákvörðun um annað og styttra æfingasund.

Inn á síðunni http://sportstracker.nokia.com/nts/main/index.do verður hægt að fylgjast með staðsetningu sundsins. Á landakorti á forsíðu er rauði blikkandi depilinn yfir Íslandi valinn. Síðan þarf að velja S (Satellite view) á stiku.

Fylgist með á http://www.ermarsund.com/

Akranessund 29. júlí

2008-06-27T15:04:00.006Z

Á sunnudaginn 29. júlí stefnir sjósundlandslið Íslands og Benedikt Hjartarsson á að synda til Akranesar og til baka aftur ef veður og sjólag leyfir. Sundið er liður í undirbúningi fyrir Ermasund 2008

Áætluð brottför er kl 11:00 frá Gróttu og hægt verður að fylgjast með sundinu í beinni á http://ermasund.blogspot.com/. Í sundinu verður Nokia N95 sími frá Hátækni prufaður. Með honum verður vonandi hægt að uppfæra síðuna með texta og myndum. Einnig verður GPS staðsetning sundsins sýnd á myndrænan frá nýju nethugbúnaði frá Nokia -> Nokia Sports Tracker.

Boðsundsveitin skipa 7 manns og hver sundmaður mun synda í 30 mín. Áætlaður sundtími til Akranesar er um 4 -5 klst.

Hressandi sprettur úr Engey í stað Viðeyjarsunds

2008-06-14T10:18:00.016Z

Hálfdán og Heimir gera sig klára fyrir Viðeyjarsund

Á föstudaginn 13.06 var stefnt á fyrsta stóra sjósundið í sumar. Takmarkið var Viðeyjarsund, um 4,5 km frá Viðey inn í Rvk höfn. En þrátt fyrir sól var tiltölulega stíf norðvestanátt sem gerði sjóinn mjög úfinn og grimmann. Viðeyjarsund var því sett á hilluna og við stefnum á að taka það við betri aðstæður. Til að láta verða eitthvað úr deginum kom Kristinn með snilldarráð að synda úr Engey og inn í Rvk höfn. Ásamt Kristni fékk Heimir góða hjálp frá Benedikt og Birnu sem voru um borð í fylgibátnum og Hálfdáni sem synti með Heimi.

Hvít frissandi sjórinn vætti í mönnum

Bátur frá Björgunarsveit Kópavogs sigldi með okkur út að Engey og Heimir og Dáni hófu sundið á því að snerta eynna áður en lagt var á stað. Fyrstu 1000m voru erfiðir sökum mikilla hliðaröldu og Heimir gerði þau mistök að synda of mikið upp í hana. Þar af leiðandi lennti hann mun innar, í áttina að Örfyrisey.

Barist við hliðarölduna

Heimir slakaði aðeins á eftir báráttuna við hliðarölduna en þegar hann sá hafnarminnið í Rvk tók hann góðan endasprett að gestahöfninni við Sægreifann í RVK. Dáni kom síðan sirka 200m á eftir Heimi.

Heimir kíkir upp fyrir myndatöku

Eins og sést á myndum þá synti Heimir í Blueseventy point Zero swimskin galla sem er löglegur sjósundgalli (Open Water - non-wetsuit legal swims)og inniheldur ekki hitaeinangri efni. Alveg hreint út sagt frábær swimskin galli. Heimir mælir eindregið með honum fyrir keppnismenn í sjónum.

Heimir að loknum sundi í Point Zero non-wetsuit legal swims sundgallanum sínum

Leiðinn var sirka 2400m og Heimir fór hana á 37,10 mín sem er sæmilegur og kannski eðlilegur tími miðað við aðstæður. Líklega er þetta besti tími sem Íslendingur hefur synt í Engeyjarsundi ! Erfitt var að átta sig á RVK höfn enda í fyrsta skiptið sem Heimir og Dáni syntu þessa leið. Einnig var nýting takana ekki nægilega góð hjá Heimi þ.a.s spólaði og fann ekki takið nógu vel. Þetta fer í reynslubankann fyrir komandi sund í sumar.

Heimir og Hálfdán ánægðir eftir stuttan en hressandi sprett í sjónum

Við viljum þakka Björgunarsveit Kópavogs fyrir frábæra bátafylgd. Einnig vill Heimir þakka Kristni fyrir góða ráðgjöf, Benna og Birnu fyrir hvatninguna og síðan ekki síst Dána fyrir bregðast aldrei sem sundfélaga í sjónum. Fleiri myndir hér

Undirbúningur fyrir Ermasund 2008

2008-06-08T13:25:00.010Z

Undirbúningur fyrir Ermasundið stendur nú sem hæst. Meðlimir boðsundsveitar og einstaklingsund (Benedikt) leggja hart að sér við æfingar í sjó og í sundlaugum höfuðborgarsvæðisins.

Í gær (laugardagur 7. júní) kláraði Benedikt 6 klst undirbúningsund fyrir Ermasundið. Sjá meira um það á http://ermasund.blogspot.com/

Kristinn, Hrafnkell og Birna skelltu sér í sjóinn út við Álftanesið sama dag og á sunnudaginn gerði Hálfdán sér lítið fyrir og synti yfir Hvalfjörðinn.

Þann 20 júní er stefnt á að liðið taki æfingasund til Akranesar og til baka aftur. Þar gefst tækifæri til að stilla saman strengi boðsundsveitarinnar og laga það sem þarf að laga áður en lagt er í Ermasundið.

Til gamans má geta þess að föstudaginn 6. júní undirrituðu Heimir og Benedikt, fyrir hönd Sjósundlandsliðs Íslands, samstarfsamning við Lyfju. Báðir aðilar hugsa sér gott til þessa samstarfs og vona að hann geti orðið til farsældar.

Samstarf hefur tekist við Landsbankann en ekki hefur verið gengið frá undirritun samstarfssamnings vegna anna.

http://ermasund.blogspot.com/ verður opinbera síða Ermsundsins. Framvegis verða allar færslur tengdar leiðangrinum færðar inn á síðuna. Þessi síða mun halda áfram sem almenn síða um sjósundmenn Íslands.

Ermasund síða Benedikts er kominn aftur í gang !

2008-05-12T16:55:00.003Z

Ermasund síða Benedikt er nú kominn aftur í gagnið. Til að byrja með mun Benedikt greina frá æfingu sínum og fl. -> http://ermasund.blogspot.com/

Ermarsund 2008. Benedikt Hjartarson ásamt fyrsta Landsliði í Sjósundi

2008-05-10T21:03:00.026Z

Fyrir dyrum er leiðangur Íslendinga með það að markmiði að „sigra Ermarsundið“ sem er metnaðarfull tilraun til að vinna íþróttaafrek sem Íslendingar hafa ekki unnið til þessa. Sund yfir Ermarsundið er erfitt og áhættusamt. Gríðarlegar æfingar og mikil undirbúningsvinna liggur að baki leiðangrinum þar sem fyrrv. landsliðsþjálfari í sundi og fleiri þjálfarar og skipuleggjendur leggja hönd á plóg.
Sjósundsmennirnir eru opinbert landslið Íslands í sjósundi (Icelandic Open Water Team) og samanstendur af reyndum sjósundmönnum, fyrrv. landsliðsmönnum í sundi og einum pólfara.

Efri röð frá vinstri: Björn Ásgeir Guðmundsson (boðsundsveit), Kristinn Magnússon (boðsundsveit), Hálfdán Freyr Örnólfsson (boðsundsveit), Heimir Örn Sveinsson (boðsundsveit), Fylkir Þorgeir Kjeld Sævarsson (boðsundsveit), Ingþór Bjarnasson (farastjóri) og Stefán Karl Sævarsson (Aðstoðarm og varamaður í boðsundsveit)
Neðri röð frá vinstri: Sigrún Matthíasdóttir (varamaður í boðsundsveit),Hrafnkell Marinósson (boðsundssveit), Birna Jóhanna Ólafsdóttir (boðsundsveit), Hilmar Hreinsson (boðsundsveit),Benedikt Hjartarson (einstaklingsund -> Ermasund 2008)

Undirbúningur leiðangursins hófst síðastliðið sumar, þegar ljóst var að Benedikt Hjartarsyni hefði ekki tekist að synda yfir Ermasundið, þrátt fyrir hetjulegar tilraunir. Grunnhugmyndin er sú að Benedikt Hjartarson hefur fyrsta sundrétt – þ.e. er tryggður réttur til þess að gera tilraun að því að synda Ermarsundið. Í kjölfarið kemur boðsundsveit Íslendinga og syndir yfir til Frakklands og aftur til Englands. Hópurinn vinnur saman sem ein heild með það að markmiði að bæði Benedikt og boðssundssveitin nái takmarkinu. Nú þegar hefur verið keyptur sundréttur og tryggt besta fáanlega aðstoðarfólk í Bretlandi, fylgdarbátur, æfingaraðstaða o.s.frv. Með þessu móti aukast líkurnar á því að árangur náist. Benedikt hefur með þrautseigju sinni og elju sannarlega unnið sér réttinn til að reyna fyrstur yfir Ermarsundið og boðssundssveitin styður fyllilega við bakið á honum.

Nokkur fróðleikskorn um meðlimi Sjósundlandsliðsins:

Tveir úr hópnum, Fylkir Þorgeir Kjeld Sævarsson og Kristinn Magnússon eru þeir einu í heiminum sem hafa synt yfir Þingvallavatn
Kristinn hefur einnig synt tvisvar sinnum Drangeyjarsund, og eini núlifandi Íslendingur sem hefur synt frá Vestmannaeyjum og í land.
Benedikt Hjartarson er annar Íslendinga til að synda um 15 km leið frá Nauthólsvík og inn í Hafnarfjörð. Það tók hann um 6 klst að synda leiðina.
Farastjóri hópsins, sálfræðingurinn Ingþór Bjarnarson er mikil skíðagöngugarpur og hefur farið yfir Grænlandsjökul, á Suðurskautið og hálfa leiðina á Norðurskautið í frægri ferð.
Í 8 manna boðsundsveitinni eru allir í Sundfélagi Hafnarfjarðar nema Björn Ásgeir en hann er frá sundfélaginu Ægi.
Haustið 2006 tóku Heimir, Benedikt, Birna, Hilmar og Hrafnkell þátt í auglýsingu og syntu í Jökulsáarlóninu. Þar slóu þau heimsmet með því fara 14 sinnum út í 0,9 gráður heita jökulónið, mest 6 mín í einu.
Björn Ásgeir er hefur mestu reynslu í sjósundinu og ber t.d. ábyrgð á því að Kristinn hóf sinn sjósundferil
Annar reynslubolti, Birna Jóhanna Ólafsdóttir er eina konan í boðsundsveitinni. Hún hefur synnt ótal sjósund og er tvímælalaust sjósundrottning Íslands í dag.
Hálfdán er sá eini sem hefur synt frá eyjunni Skrúð og í land.
Stefán,Sigrún,Kristinn, Hálfdán og Heimir eiga sameiginlegt að hafa æft keppnissund á sínum yngri árum.

Það eru góðar líkur á að þessi úrvalshópur ásamt Benedikt Hjartarson takist ætlunarverk sitt og standi sigurreifir á Frakklands og Englandsströndum.

Á fimmtudaginn kom hópurinn í fyrsta skiptið saman í Nauthólsvíkinni. Veðrið lék við hópinn þegar hann mátaði galla,fór í myndatöku og nokkrir úr liðinu skelltu sér í sjóinn Sjá hér

Opið á föstudögum

2008-04-20T15:35:00.005Z

Í vetur hefur verið opið í Nauthólsvíkinni á mánudögum og miðvikudögum. Sjósundfólk hefur nýtt sér aðstoðu vel en um 20 -40 manns hafa mætt á þessum dögum. Í seinustu viku bættist föstudagurinn við kl 17:00 - 19:00.

Á þessum vordögum hefur hitastigið verið að hækka í sjónum. Nú seinast á föstudaginn var hann kominn upp í 5 gráður.

Ermasund 2008

2008-04-12T15:57:00.004Z

Eftir mikla vinnu og pælingar í vetur er það nú orðið nokkuð ljóst að Benedikt Hjartason ætlar að reyna aftur við Ermasund í sumar. Hann verður ekki sá eini því heilt 8 manna lið, Landsliðið í sjósundi, mun fylgja honum út og reyna synda fram og til.

Fleiri fréttir og upplýsingar munum koma á næstu dögum.

Lewis Gordon Pugh

2008-02-09T23:03:00.000Z

Breski ofurhuginn og sjósundmaðurinn Lewis Gordon Pugh er eini maðurinn sem hefur synnt á Norðurpólnum og það í 18 mín. Hérna er mjög áhugaverð grein um hann og eiginleika hans að geta hita líkama sinn upp í 38 gráður með hugleiðslu !

Heimasíða Lewis Gordon

Vetratíð í sjósundinu

2008-02-06T20:08:00.000Z

Þrátt fyrir að klærnar vetrarins hafi sýnt sig með snjó og frosti þá hefur fjöldi sjósundfólks stundað sjóboð seinustu vikur og mánuði. Á mánudaginn kom Kastljósið í heimsókn

Sjórinn hefur stundum farið fyrir neðan frostmarkið og í gær þurftum við að ýta klökunum frá til að svamlað eilítið í -1,5 heitum sjónum ...

Birna, Benedikt og Heimir svamla á milli ísjakana

Fleiri myndir

Gleðilegt nýtt ár og Nýárssund 2008

2008-01-08T11:18:00.000Z

Viljum óska öllum sjósundmönnum gleðilegs nýs árs og þakka fyrir það liðna.

Árið 2008 byrjaði vel þegar rúmlega 60 manns tóku þátt í Nýárssundi í Nauthólsvíkinni

Hér má sjá myndir

Sjósund í allan vetur !

2007-10-24T21:21:00.001Z

Nú er það staðfest að við fáum afnot af heitapottinum og sturtunum í Nauthólsvíkinni í allan vetur kl 17:00 - 19:00 mánudaga og miðvikudaga

Haustæfingar ganga vel

2007-10-23T13:29:00.000Z

Þrátt fyrir misjafnt veður og kólnandi sjó er um 10 - 15 manna hópur að mæta á æfingar þessa dagana. Sjónvarpið kíkti á okkur í storminum í gær.

http://dagskra.ruv.is/streaming/sjonvarpid/?file=4338179/5

Vídeó af Skerjafjarðarsundinu

2007-09-29T21:45:00.000Z

þann 23. ágúst síðasliðinni syntu Benni, Dáni og Heimir rúma 2 km leið yfir Skerjafjörðinn. Þar rættist 2 ára draumur Heimis að sigra nátturuöflin sem hann þurfti að lúta í lægri haldi fyrir tveim árum síðan. Davíð Freyr mundaði kvikmyndavélina og faðir Heimis, Sveinn sá um drykkjargjafir.

Fáum fleiri í tímana

2007-09-26T12:52:00.000Z

Sjósundtímarnir í Nauthólsvíkinni á mánud. og miðvik. hafa tekist vel og að jafnaði erum um 10 - 15 manns að mæta. Það væri sniðugt fá fleiri hópa en sjósundmenn því potturinn er alltaf vel heitur og nógu stór til að taka á móti góðum skokkhóp.

Hérna er svo mjög áhugaverð grein um ermasundið.

http://www.telegraph.co.uk/arts/main.jhtml?xml=/arts/2007/09/22/sm_channelswimmers.xml&page=3

Uppskeruhátið

2007-09-18T14:30:00.000Z

Á Föstudaginn kl. 17.30 munum við fagna komandi vetri og halda uppskeruhátíðin fyrir sumarið. Brauð grill og mjög léttar veitingar sem hver tekur með sér í pottinn.
Þökk sé skilningsríkum yfirmönnum hjá borginni verða Pottarnir opnir mánud. og miðvikud. kl. 17-19 og í hádeginu miðvikud. kl. 12-13.

Potturinn kominn í lag !

2007-09-17T22:20:00.000Z

Eftir rétt um 8 gráður heitann sjó í dag var gott að komast í heita pottinn í Nauthólsvíkinni. Við vonumst til að aðstaðan og potturinn verði lagi framvegis. Næsti tími er á miðvikudaginn kl 17:00 - 19:00. Allir verða nú að mæta svo við getum haldið úti þessum tímum í vetur.

Uppskeruhátið frestað um viku

2007-09-14T08:43:00.000Z

Í dag var ætlunin að halda smá teiti niðri í Nauthaulsvík en sökum framkvæmda við vatnslagnir verður vatnslaust í pottinum og við því nauðbeygð til að fresta teiti um viku.
Föstudaginn 21. september höldum við upp á herlegheitin með smurbrauði, grilli að eigin vali og mjög léttum veitingum. Nánari tími auglýstur síðar.

Sumarlok og upphaf vetrartímabils fagnað

2007-09-12T20:47:00.000Z

Á föstudaginn munum við fagna sumarlok og upphafs vetrartímabilsins í Nauthólsvíkinni. Við ætlum að skella okkur í sjóinn um kl 17:00 og fagna síðan í pottinu á eftir. Benedikt ætlar að mæta með veitingar úr Bakaríinu sínu og í boði verða léttar veitingar. Hvetjum alla til að mæta.

Byrjunarörðuleikar með vetraropnum

2007-09-11T23:27:00.000Z

Seinustu vetrartímar í Nauthólsvíkinni hafa ekki byrjað sérstaklega vel. Í gær, mánudag mætti engin starfsmaður og því þurftum við flýja í húsakynni siglingarklúbbsins. Nú er séð fyrir endan á þessum byrjunarörðuleikum og vonast er til starfsmaður mæti á morgun og hleypi á pottinn góða. Hvet sem flesta til að mæta kl 17:00 á morgum.

Viðeyjarsund. Allt er þegar þrennt er !

2007-09-07T23:59:00.000Z

Í dag var farið þriðja sundið í sumar frá Skarfakletti að Viðeyjarbryggju . Tilefnið var kvikmyndataka hjá þýskri sjónvarpstöð. Um 20 - 30 manns, blanda af rótgrónnu sjósundfólki og byrjendur tóku þátt. Veður var ekkert sérstak og rigndi á tímabili, sjóhiti um 11 gráður og smá straumur á móti til baka. Heimir og Hálfdán komu fyrsti í mark. Heimir bætti sitt persónulega met, Íslandsmet :) og fór þessa 2 kílómetra á 31 mín og 5 sek. Hálfdán kom sirka 2 mínútum seinna.

Allir svo að mæta á æfingu í Nauhólsvíkinni á mánudaginn kl 17:00 - 19:00.

Laflour hætti í Drangeyjarsundinu

2007-09-06T18:54:00.000Z

Nafni Benedikts Hjartars, Benedikt Laflour, sjósundkappi með meiru, þufti að hætta Drangeyjarsundi sínu í gær þegar hann var rétt hálfnaður með sundið. Sjórinn reyndist kaldarinn en hann átti von á. Meira um þetta á visir.is

Fyrsti vetrartíminn og Viðeyjarsund á mánudaginn

2007-09-03T22:37:00.000Z

Fyrsti vetratíminn í Nauthólsvíkinni á mánudaginn féll niður en það verður opið í dag (miðvikudag) kl 17:00 - 19:00 . Eins áður hefur verið nefnt þá verður opið á mánudögum og miðvikudögum í vetur kl 17:00 - 19:00.

Á föstudaginn er stefnt á að synda út Viðey og til baka kl 18:00. Þýskir sjónvarpsmenn verða á staðnum.

Hvetjum sem flesta til að mæta.

Sjósund fyrir þýska sjónvarpsstöð

2007-09-02T14:47:00.000Z

Seinustu daga hefur Benni Hjartar verið í samskiptum kvikmyndagerðamenn frá þýskri sjónvarpstöð. Þeir hafa mikinn áhuga á að kvikmynda sjósundmenn íslands og á morgun (mánudag) munu þeir mæta á æfingu í Nauthólsvíkinni.

Það eru talsverðar líkur á því að verði skipulagt þriðja viðeyjarsundið í sumar vegna þessara kvikmyndataka. Meira um það seinna.

Vetratímar í Nauthólsvíkinni

2007-09-01T11:25:00.000Z

Í gær lokaði baðaðstaðan og heiti potturinn í Nauthólsvíkinni. Seinustu daga höfum við verið að reyna fá vetratíma og nú er kominn niðurstaða í málið.
Allir sjósundmenn geta komið á mánudögum og miðvikudögum kl 17:00 - 19:00 í vetur. Sturtunar og heiti potturinn verður opinn. Næsti tími verður því á mánudaginn 3. sept kl 17:00 - 19:00. Ef það verður góð mæting þá getum við jafnvel fengið fleiri tíma.

Íslandsmet í hópsundi til Viðeyjar

2007-08-28T23:27:00.000Z

Um 55 manns tóku þátt í Viðeyjarsundi á vegum Sjósundsfélagi Landsbanka Íslands. Mikið af fólki kom og fylgdis með og sundið fékk talsverða fjölmiðlaumfjöllun:
RUV

Stöð 2 Fyrri

Stöð2 Seinni

Hermann og fleiri fyrir hönd Sjósundfélag Landsbankans eiga hrós skilið fyrir frábæra skipulagningu.

Heimsmet í Ermasundi !

2007-08-27T09:03:00.000Z

Á Föstudaginn setti Búlgarski sundkappi Petar Stoychev ótrúlegt heimsmet í Ermasundi en hann fór sirka 37 km sundleið á 6 klst 57 mín 50 sek ! Hann bætti fyrra metið um 6 mínutur en þjóðverin Christof átti það. Petar er því fyrsti maðurinn til að brjóta 7 tíma múrinn. Samkvæmt upplýsingu frá skipstjóra hans fékk hann tiltölulega gott veður og það var frekar lágstreymt.

Til gamans má geta að Benedikt Hjartar var 13 klst þegar hann átti 2,5 mílur eftir í Frakklandströndina.

Sjá meira um þetta hér

Hérna má sjá sundleiðina hans sem er ótrúlega bein miðað við strauma Ermasundsins:

Synt yfir Skerjafjörðinn

2007-08-23T14:37:00.000Z

Í gær (23. ágúst) syntu Heimir örn, Benedikt Hjartar og Hálfdán yfir Skerjafjörðinn. Sundleiðin er um 2000 metrar frá Skeljanesi Rvk. hjá gömlu Olís stöðvunum, að Áltanesinu, rétt fyrir ofan bæinn Jörvar yst á Álftanesinu. Sundið gekk vel að mestu. Lagt var á stað kl 17:40 með öldunar í fangið. Fyrstu 20 mín tóku þeir ekki alveg réttu stefnuna þannig að straumar báru þá innar í fjörðinn. Því varð sundleiðin aðeins lengri en áætlað var. Þegar nær dróg áfangastað hvessti og útstreymið og aldan jókst talsvert. Þeir félagara kláruðu sundið um kl 18:20 og voru sirka 40 mín á sundi. Búast má við að þeir hafi synnt 2100 - 2250 metra.

Sjóhiti var 12 gráður, Lofthiti 13 gráður og vindur 7 - 10 m/s SV.

Við viljum enn á ný þakka Björgunarsveit Kópavogs fyrir frábæra bátafylgd og það eiga allir að kaupa flugeldana hjá þeim næstu áramót ! :)

Sjósundmenn frægir í USA

2007-08-22T19:23:00.000Z

Í byrjun október á seinasta ári skellti úrvalshópur sjósundmanna sér í Jökulsáarlónið. Tilefnið var upptaka á auglýsingu fyrir Ofnæmislyfið Clarityn D. Þarna fékk hópurinn einstakt tækifæri á að baða sér allt upp 13 sinnum í lóninu, mest í 5 mín í einu í 0,5 gráðu heitu vatni ! Heilmikið tökulið frá USA og Íslandi var á staðnum og var allan daginn að taka upp. Auglýsingin fékk mikla dreifingu um norður Ameríku. Eflaust telja flestir sem sjá hana að hún sé tekinn upp í stóru keri með gervi ísjökum :)
Hér má síðan sjá afraksturinn af þessu. Nokkrir þekkjast bara nokkuð vel... http://www.youtube.com/watch?v=32YjhaGwhyU

Og svo myndir ... http://heimurheimis.spaces.live.com/photos/cns!BA5EE7E162F238FF!416/

Synt út í Viðey á mánudaginn

2007-08-21T08:04:00.000Z

Mánudaginn 27. ágúst mun sjósundfélag Landsbankans standa fyrir hópsundi út í Viðey. Sundið hefst kl 18:00 og eru allir iðkendur sjóbaða og sjósunds hvattir til að mæta. Meira um þetta á www.sjosund.com

Nokkur góð ráð fyrir sundið:

Gott er að drekka sterkan íþróttadrykk (sérblandaður) 2 til 3 tímum fyrir sund. Kemur í veg fyrir kólnun.
Synda alltaf minnst tveir saman (það er nóg af fólki þarna til að synda með). Tala reglulega saman á leiðinni.
Ef eitthvað kemur fyrir þá er röddin það fyrsta sem klikkar og félagarnir geta bent hjálparbátnum á að þeir þurfi aðstoð. Höfum gaman saman.

Heimir synti heim !

2007-08-14T16:27:00.000Z

Í vor festi Heimir Örn kaup á íbúð í Sjálandshverfinu í Garðabæ. Ekki leið langur tími þar til Heimir fékk hugmynd um að synda heim til sín. Það varð að veruleika í gær (16.08.2007) en Heimir synti ásamt Ermasunds félögu sínum, Stefáni Karli þjálfara og Ermasundsgarpinum Benedikti Hjartarsyni, frá Nauthólsvík inn í Sjálandshverfið í Garðabænum sem er 3,9 Km.

Áætlun okkar var að synda meðfram Fossvogsströndinni R.v.k. megin og beygja rétt út fyrir flugbraut inn að Kársnesi til að ná aðfalls straumnum inn á Arnarnesvoginu og koma síðan í land inn í tilbúnu víkina í Sjálandshverfinu í Garðabænum. Einnig ætluðum við að láta Benedikt byrja 10 mín á undan Heimi og Stefáni og synda hann síðan uppi við Kársnesið. Bátur frá björgunarsveit Kópavogs átti síðan að fylgja okkur að Benedikti.

Benedikt lagði á stað kl 17:48 en H og S fóru á stað kl 18:00. Ekki gekk áætlunin betur en svo að Benedikt fór mun utar en H og S. Hann beygði ekki inn fyrr en hann var kominn upp að dæluhúsinu við Skeljanes. Spurning hvort hann hafi haldið að við værum að fara til Akranesar :) Þegar hann beygði inn voru Heimir og Stefán komnir framhjá Kársnesinu og því um 500 metra á undan Benedikti. Þá ákváðu björgunarsveitarmenn að kalla á annan bát til að geta fylgst betur með okkur.

Þegar komið var út fyrir Kársnesið var komið nokkuð mikið rót á sjónum og erfitt að átta sig á öldunum sem gerði öndunina erfiðari í skriðsundinu. T.d. gat Heimir lítið tekið við orkudrykkjum úr bátnum vegna sjódrykkju. Þegar um 1000 metrar voru eftir var Stefán byrjaður að dragast aftur úr Heimi vegna þreytu og kulda. Hann ákvað því að koma að landi út á Sjálandstanganum á meðan Heimir kláraði leiðina heim og synti út fyrir Sjálandstangann og inn í tilbúnu víkina sem er við leikskólann í Sjálandshverfinu kl 19:10(sjá mynd) eftir 1 klst 10 mín sund. Benedikt og Stefán enduðu á Sjálandstanganum þar sem pólskir vinnumenn tóku vel á móti þeim og leyfðu þeim að hita sig upp í vinnuskúrnum þeirra. Eflaust hefur þetta brotið upp vinnudaginn hjá þeim að sjá þrjá svala furðufuga koma syndandi inn Arnarnesvoginn :) Benedikt var 1 klst og 30 mín í sjónum en Stefán sem stóð sig frábærlega miðað við tiltölulega litla sjósundþjálfun var 1 klst í sjónum.

Þótt áætlunin hefði aðeins farið úr skorðum og æskilegra og ekki síst skemmtilegra ef allir hefðu klárað á sama staðnum þá gekk þetta vel og sundið tekið í reynslubankann.

Nú þekkjum við leiðina betur þegar Heimir fer í vinnuna ! :)

Við viljum þakka Björgunarsveit Kópavogs fyrir frábæra bátafylgd og við hvetjum alla til að kaupa flugelda af þeim fyrir næstu áramót.

Helstu tölur og sundleið:

Sundleiðin er 3,9 km og sjóhiti á leiðinni var frá 11,5 - 12,0 gráður C .Útihitastig var 12 gráður C og vindur 7 m/s.

Hér erum þeir Heimir, Benedikt og Stefán Karl að leggja á stað, klárir í slaginn:

Heimir og Stefán á sundi: Heimir tekur seinustu tökinn heim:

Heimir fagnar ógurlega og er ánægður að vera kominn heim eftir erfiðan sund og vinnudag :)

Stefán og Heimir bera saman bækur sínar eftir sundið:

Benedikt, Sigrún (kærasta H.)og Auður (móðir H.) við vinnuskúrinn þar sem pólsku vinnumennirnir tóku vel á móti strákunum:

Sjá má fleiri myndir á heimasíðu Heimis og myndir eru væntanlegar á heimska.com

Æfingartímar

2007-08-03T11:03:00.001Z

Í sumar höfum við haft fastan tíma í Nautholtsvíkinni á miðvikudögum og föstudögum kl 18:00. Fullt af nýju og efnilegu fólki hefur komið og stundar sjósundið af miklum dugnaði og áhuga. Við mælum eindregið með að núverandi iðkendur dragi með sér nýtt fólk og kynni því fyrir sjósundinu. Mikilvægt að við hjálpum nýliðum við að komast yfir erfiðasta hjallann og leiðbeinum því.

Og að lokum, aldrei að fara einn í sjóinn. Höfum gaman og syndum saman :)

Ermasund 2008 ??

2007-08-03T10:55:00.000Z

Eins og flestir áhugamenn um sjósund vita, reyndi Benedikt Hjartarson við Ermasundið í byrjun júlí þessa árs. Á síðunni http:\\ermasund.blogspot.com má sjá allt um það.

Benedikt hefur fengið ótal margar áskoranir við að klára hálfnað verk og þessa dagana er hann og nokkrir vaskir menn að skoða ýmsa möguleika með það :)

Íslandsmet í sjósundi á Viðeyjarsundi

2007-08-02T22:06:00.000Z

Á mánudaginn synntu um 30 manns til Viðeyjar. Ekki er vitað til þess að svo margir hafi synnt í einu til Viðeyja og telst þetta því Íslandsmet. Sundið vakti talsverða fjölmiðla athygli og hér úrdráttur úr Morgunblaðinu þar sem skipuleggjari sundsins, Benni tjáir sig aðeins.

"ÞAÐ þykir skemmtilegt að hafa synt út í Viðey og marga hefur langað að gera það en ekki haft tækifæri til þess, þannig að ég ákvað að hóa öllum saman og fara í eina góða ferð," segir Benedikt Hjartarson sundkappi, sem stóð fyrir hópsundi frá Sundahöfn út í Viðey í gærkvöldi. Hann segir sjósundiðkun hafa aukist gífurlega í sumar og er það ekki furða að mati Benedikts, því fáar íþróttir toppi vellíðunartilfinninguna sem fari um líkamann allan í marga daga eftir rækilegan sprett í sjónum.
Á fjórða tug karla og kvenna tók þátt í sundinu í gær og var það meira en Benedikt vænti, en hann hafði óttast, að veðrið drægi kjarkinn úr mörgum. Mikil stemning myndaðist á sundinu og þótt getustig hópsins spannaði allan skalann var reynt að halda hópinn og hjálpast að.

http://www.mbl.is/